Hik Ap Long Igam Barracks
How about, dispela bilong tupela soldia long Igam Bareks long wet Lae?
Tupela praivet go kisim lika reison bilong tupela long Ami Saplai Sto. Kota masta i pulumapim OP wiski insait long wara kentin bilong tupela.
Taim tupela kamap long breks rum, tupela painim wanpela olpela OP botol na bungim go insait. Bilong wanpela go pastaim na bihain bilong narapela.
Tulait na tupela i go wok. Pinis long wok nau wanpela kam na lukim poro bilong em i silip paraipim nus i stap. Em go klostu na putim nus i go long maus bilong em. Baga ya smel wiski.
Em kwiktaim sekim botol. Nogat wanpela hap liklik tuhat bilong OP tu i stap. Nogat. Ful botol ya emti pinis. Smel tasol i pulap.
Em belhat nogut turu.
"Hei kirap. Wiski bilong me we?" em askim.
Poro i tanim isi tasol na bekim isi isi: "Sorrrri...blo' ...yuuuuu ik ..ik staaaap annnntap na mi ik...ik painnnim hat llllloooong kisim blo mi."