Niupela kain account bilong Vunapaka
Niupela kain account bilong Vunapaka
1 post. Created at 01:47 on 03 May 2010
...
Okay sampela tok pilai long Rabaul tu mas represent:
Ol Board of Directors bilong Vunapaka Health Centre oli bin les turu na oli koros bilong wanem ol financial records bilong Health Centre i bin gat planti paul na karangi. Oli painim hat nau long sapotim na ronim wok bilong Helt Senta.
Olsem na ol ibin askim, halivim long AUSAID bilong helpim ol wantem sampela expert long accounting na Financial Management. Liklik taim bihain AUSAID i bin salim tupela volunteer ikam long peles.
Tupela volunteer em tupela yangpela yet na ol tupela marit niupela tasol. Olsem na ol manmeri long peles oli bin tingting long welkamim tupela gut wantem wanpela pablik bung we olgeta manmeri bai i gat chance long lukim tupela niupela volunteer bilong ol.
Olgeta samting i ron orait tasol, na ol pipol i kam lotu long wanpela Sande. Sande em gutpela dei bilong mekim ol pablik toksave bilong wanem em olgeta manmeri i save stap. Ol BOD i bin toksave long tupela yangpela volunteer long kam long lotu long Sande na bihain long lotu bai ol pablik oli ken tok welkam long tupela.
Wanpela giaman politician long peles, em tu em ino gat bisnis insait long dispela tok save bilong helt senta. Em olsem man bilong rush tasol long toktok long pablik. Em yet ino ronim wanpela samting. Na tu tok pisin bilong dispela man i save karangi sampela taim bilong wanem, em ino save long harim gut na askim gut pastaim bifo em i opim maus bilong em.
Taim BOD i laik mekim toksave, nogat, man ia kirap pastaim na emi statim toktok pinis.
Na yu tingim, em i nid long expleinim olsem tupela volunteer ia ol bai kam stap long peles long helpim finance officer bilong Helt Senta long ronim gut ol financial accounting bilong Helt Senta.
Bikman ia em ino wet, em i kirap tasol em opim maus bikpela tru:
"Naaaau yumi kam buuuuung, long bai yumi opim dispela kan bilong Vunapaka, bai tupela wallaby ia... bai oli ken lukim..!
Tu let nau. BOD bai tok wanem? Olgeta manmeri oli kaikai tit long lap pinis. "Account" em i kolim karangi na "volunteer" em tok wallaby.